6

نامعلوم افراد نے اسٹاپ پرکھڑی خاتون کو اغوا کرکے زیادتی کا نشانہ بنا ڈالا

فیصل آباد (این این آئی)فیصل آباد میں نامعلوم افراد نے بس اسٹاپ پر کھڑی خاتون کو اغوا کر کے اجتماعی زیادتی کا نشانہ بنا دیا۔پولیس کے مطابق واقعہ فیصل آباد کی تحصیل تاندلیانوالہ میں پیش آیا۔ متاثرہ خاتون شوہر سے ناچاقی کے بعد گھر سے نکل گئی تھی اور رات 9 بجے پل نہر بنگلہ اسٹاپ پر کھڑی تھی کہ موٹر سائیکل سوار نامعلوم افراد اسے اغوا کرکے تحصیل کچہری کے ایک چیمبر میں لے گئے اور اجتماعی زیادتی کا نشانہ بناڈالا۔

پولیس نے تین نامعلوم افراد کے خلاف مقدمہ درج کرلیا ہے۔ سی پی او کامران عادل کے مطابق ملزمان کی گرفتاری کے لیے دو ٹیمیں تشکیل دے دی ہیں اور ایس پی صدر ڈویژن کو 24گھنٹے میں ملزمان کو گرفتار کرنیکا حکم دیا ہے۔ فارنزک ٹیم نے شواہد اکٹھے کرلیے، واقعے کی ہر پہلو سے تحقیقات کی جا رہی ہیں۔

اس خبر پر اپنی رائے کا اظہار کریں