لاہور ( این این آئی) پاکستان کے سابق کرکٹر احمد شہزاد نے وکٹ کیپر بلے باز محمد حارث پر سنگین الزام عائد کیا ہے۔ پاکستان کرکٹ ٹیم کے سابق کھلاڑی احمد شہزاد نے نجی ٹی پر گفتگو کرتے ہوئے وکٹ کیپر بلے باز محمد حارث پر ٹیم میں واپسی کے لیے پی آر مہم چلانے کا الزام لگایا ہے۔ احمد شہزاد نے کہا کہ حارث کی ٹیم میں منتخب ہونے کے لیے کوئی قابل ذکر پرفارمنس نہیں ہے، انہوں نے صرف پی ایس ایل میں ایک نصف سنچری بنائی ہے جس کے بعد انہیں ٹیم میں سلیکٹ کیا گیا، ٹیم میں لانے کے لیے زبردستی کمپین چلائی گئی۔
سابق کھلاڑی نے کہا کہ حارث کو ٹیم میں کیوں منتخب کیا جائے؟ ۔انہوں نے ٹی ٹونٹی ورلڈ کپ کے دوران صرف 25اور 23رنز بنائے، حارث کی حالیہ پرفارمنس بھی خراب رہی ہے۔انہوں نے کہا کہ پاکستانی ٹیم میں 10 سال تک کھیلنے والے لوگوں کو چانس نہیں ملتا، اب ورلڈ کپ میں سلیکٹ نہ ہونے پر پھر ان کی کمپین چل رہی ہے، وہ کھلاڑی کہاں جائے جس کے پاس کمپین چلانے کے لیے بھی پیسے نہیں ہے؟۔
